Ingress 週記 015 - 屯天任務(25-01-2015)

25-01-2015

兩個星期冇打INGRESS, 可以話因為有其他野做啦~~HAHA~
不過難得放假, 又咁耐冇玩, 係有D手行~~
至於點解係屯門同天水圍呢~因為我自己好認真咁數過, 我係呢兩個地方未完成既任務有最少100個, 數果個時候已經做左D, 之後又加左D, 單係呢度都拎到金啦掛~~HAHA~

真係方便呢~元朗同屯門有樣叫輕鐵既野, 好多"邪惡"既人成日話輕鐵好阻街, 但我認為呢個係元朗呢個地區既一大特色. INGRESS既AGENTS亦好聰明咁善用呢個鐵路, 係每一個站都係PORTAL, 仲整埋MISSION, 咁真係唔玩唔得, 買左張全日通之後就係元朗站搭761P由總站坐到總站, 咁就完啦~

之後再完埋706/705果個就番到天水圍站打埋屏山既MISSION啦~

其實咁樣望過去, 真係行左好遠咁

兩間堂中間係有空位既~~

呢度都算係旅遊區(可能因為之前DISCOVER CHANNEL有節目話附近達德係亞洲十大猛鬼之一)所以個廁所都要整得靚....其實唔係, 只係宜家有好多村都開始重建呢D公用地方姐~~

下面果兩個人好有動感

好細既廟

我地由十點開始打, 打到呢一刻已經十二點, 坐埋751去之兆康去嶺南食野!!!本來想咁講, 但當我地到嶺南既時候, 原來呢間U星期日係冇野食架......

嶺南我就唔係第一次黎, 但認真係入面行下就真係第一次, 環境都可以話舒服, 但都係唔慣大學有咁多戶外, 所以D PORTAL係要行黎行去, 係咪唔好呢? 起碼有人將呢堆PORTAL分拆左做8個MISSION, 最衰呢度係B8, 我地有一個CAPTURE MISSION完成唔到 (你當我地屎囉~~)

冇諗到上面果D係真龜, 打風果陣會否吹走??

之後去到旁邊富泰打埋MISSION就"又"食M記啦~算啦, 好既一餐, 唔好既又一餐啦~不過呢個時候已經好累啦~

番到兆康搭614去到景峰, 我地又完多一個任再上路去市中心打啦

係輕鐵橋上居高臨下, 見到下面打晒蛇餅既大陸人士氣高漲咁排巴士走人, 未見識既人已經嘩嘩聲, 我只能話佢地太少見多怪啦


第二次黎屯公打INGRESS, 今次日頭真係好多呀姨唱歌, 仲好多呀伯睇佢地唱歌跳舞

另一邊廂, 係屯公既大湖上好大聲既VV聲, 佢地係度玩遙控船

今日見到好多龜, 最大係呢隻

打到五點, 你唔累, 我都累, 完!

今日成績:

到底我要卡係LV12到幾時?

已經完成的52個MISSION