繼續係雙倍周, 當然要把握時間入戰場 - 沙田, 不過今個星期Jesse要溫書考試, 我同呀a奮戰去~~
路線如下:
仲記得玩左呢隻game之後, 曾兩次黎沙田打, 第一次係我自己一個係沙中, 當時係特登自己搭車入去睇下咩料, 果真唔洗幾分鐘就有人幫你清場, 你想起field仲難過入人中路.
第二次係同呀a, 當時因工作關係, 我到沙田宜家買野, 買完大大舊野係半個中內跑上萬佛寺, 我都覺得好on9, 當然老闆係唔知情既.~~~
今日黎得就預同人deploy war, 希望可以比我升放腳章~同埋完成萬佛寺mission!
所以第一度就係上萬佛寺
話雖叫萬佛寺, 其實都好心寒, 五百尊金羅漢望實你, 要知道靈長類動物對眼神特別敏銳, 呢個時候, 就算你冇做咩虧心事, 夜晚黎都會嚇到賴屎
沿住好斜好斜既山路, 大多數都係外國人, d賓賓好似係遂個影相咁, 其實我眼睇, d人成日話賓賓低, 但我覺得佢地既生活態度都唔算好低姐, 仲好似黎working holiday 咁.
終於第一次上到上面, 供奉左好多靈位, 風景真係唔錯, 可以睇到成個沙田市
一見到呢d我就諗起周星馳既<食神> |
踩到你條魚? who care? |
單係呢度都唔簡單, 已經見到3個綠加一個藍, 拜託個藍幫我地upc, 幾好~~
之後行完, 食完m記, 就係真。戰場 - 沙中 開打啦, 唔洗一陣就洗倉 (雖然我一向個倉都係半空).見到8個藍一齊打, 邊夠打呀, 不過完成到upv金了~~~非常好, 仲差一個金章就升lv11.
向東面行就到沙田文化中心
大大個李小龍像 |
跟住直落大圍, 係渠位見到有人練功
見唔見? 左下角果個, 真係唔知佢練緊劍道定回力標蛇球.
行埋車公都仲未完
係地鐵站內打埋個九龍塘同美孚, 咁今日就完啦~
伸延閱讀: 分享科技與遊戲 by HKGoldenMr.A - <Ingress 遊玩記錄 - 2014-11-02>
http://hkgoldenmra.blogspot.hk/2014/11/ingress-2014-11-02.html
沒有留言:
張貼留言