Ingress 週記 003 - 進入第二週 (5-10-2014)

5-10-2014

Team JAR 第二周, 第三個活動! 今次既地點係好耐冇去既太和&大埔!

講到大埔就諗起海濱公園果個屎型塔都不突止, 林保怡既<男人心一字馬>更會係我腦中不停回響!

講起呢首歌, 我係一年前見個一個POST基本上解決得到點解男人心一字馬, 會令女人心驚兼受怕, 「原來」係因為男人去到咁盡, 做你身邊果個又點會唔擔心呢~HAHA~




為左有個比較, 首先要睇睇我出發前既Profile

雖然我地係約係太和東鐵站出發, 但我既UPV就係元朗搭64K果陣開始, 原來沿途都有好多portal

沐浴於藍海之中

 好! 到齊啦, 拉番條2KM既link之後, 我地就係太和行過河先

眼看過河既橋都係一式一樣, 以中國建築風格既太和橋,<那夜凌晨>話第一次見到面具人係咪就係呢D橋上面?

因為一D原因, 我地行左成個中都仲係呢個位置附近徘徊, 唔得! 進度太慢, 快上加速到下一個地方 ── 大埔鐵路博物館

唯一既回憶係上一次(亦係第一次)係度訓路軌影相比人罵~~哈哈

再之後我地就一直向東行, 去到我地今日第一個遇到既B8田, 廣福公園, 啦, 係打既過程中, 見到有個藍既係度, 我習慣打招呼, 但有時感覺唔理係藍定綠都好, 對另一邊陣營既人都好冷漠, 好多時大家都係地盤主義, 一定要搶到果D站, 唔比對方過夜, 所以就不停、每日都死守同一個位, 變成左習慣......

可能係我玩得唔認真, 對我黎講, 咩陣營都好, 大家都係ingress player, 我記得第一次係街度撞到打ingress(當時我LV6係高登後面比兩個藍人圍緊)既時候, 我真係覺得好神奇, 好開心, 亦都係呢個感覺, 我有興趣繼續玩落去......

所以唔理係咩顏色, 打個招呼好嗎!

呢個時候, 天色已暗, 我地終於都去到今日既目的地, 大埔海濱公園, 呢個公園呈田字型, 我地只要交叉咁行(見圖1)就已經到到絕大部分既portal

屎黎講, 我地都算影得佢多

行完都7點幾8點, 我地食埋野 (同佢兩個食野一定要有番D主見, 如果唔係就只有M記同吉野爽選擇, 有得捒, 唔通唔捒? 岩! 所以我選第三個選擇) 就係大埔河以北向西行, 番太和站解散

今日戰果:

4條1, 一定行好運~

P.S. 關於學生運動其實有一大段說話要打, 但我覺得文字不足表達我心果個感覺, 只係點都好, 如我以前係書入面寫既人生觀一樣, 做左既野唔會白費, 因為日後終有一日, 呢件事會成為關鍵!

P.S.2 同一星期內, 我TSUM TSUM終於有一頁係齊公仔, 現已儲超過15萬米奇幣, 希望有好運
人幫我抽好野!

伸延閱讀: 分享科技與遊戲 by HKGoldenMr.A - <Ingress 遊玩記錄 - 2014-10-05>
http://hkgoldenmra.blogspot.hk/2014/10/ingress-2014-10-05.html