2020年7月19日 星期日

數碼暴龍004-BT2兩張隱戰暴

17-7-2020

話說今日追BT-2真係出左D功夫,前一晚無啦啦失眠,搞到五點就行出市搭巴士番工,足足早一個鐘頭開始做野,到中午頂唔到,早退。係選擇番元朗定去長沙灣,我選擇左番元朗,然後就收到長沙灣BT-2到貨既情報,F!

既然到元朗就馬上去卡店了解下,點知呢邊一間未到貨,一間冇開門,然後我果斷決定再出長沙灣以「優惠價」$375@1買左兩盒,今日有呢個優惠既人黎講我係尾二果個,不過個價其實都係高架啦,正所謂早買早享受,遲買就平幾舊,都係買二。目標係爆三。


https://hk.digimoncard.com/products/pack/ver2.php

今SET有6種色,每盒既數量同上次一樣,SR以上有4張,唔同既係今次隱閃唔計係呢4張入面,即係一盒最多有5張SR以上既卡。


2020年7月18日 星期六

數碼暴龍003-整立體計cost卡

16-7-2020

如之前所講爆左兩盒入面有成幾十張COST卡,決定整個立體COST卡。

成品VER.1


2020年6月29日 星期一

數碼暴龍002-bt01爆盒:奧米加 x V龍

28-6-2020

數碼暴龍(數寶)最近出左新卡game,食住舊版01非常感動既最終章電影版,同時又重新出新一版本既數寶01,我極度懷疑大量冇玩開卡既人入左坑。然後好多都係我哋呢啲半老野番工有錢買卡,所以都聽到好多人一箱箱咁買。

同一時間,撞正武肺橫行,全世界都冇咩人番工,搞到貨源嚴重唔夠,根據law of demand,啲價就炒高到飛天,一張白卡都夠膽$5@1。而fb數寶交收gp,係極度唔透成既情況下(大量pm價),根本玩家冇辦法知道正確市價係咩,個個都標到高一高,香港玩家啲身家就係「自稱式」暴漲。

單卡就唔好提,講爆盒呢邊都係貨源短缺,bt01(第一set盒)曾經去到$5xx@1,對比起遊戲王同pkmon,呢一set其實最多應該賣$280-$380@1,不過熱血上頭人係唔會諗咁多。

2020年5月31日 星期日

遊戲王032 - DP24開盒

31-5-2020

被延遲發行既DP24冥闇的決鬥者篇主要有三個系列:闇馬尼諾太陽神與史萊姆、超能力鋁場既人造人、阿波利亞既機皇帝。



先買一盒睇下咩料先。

2020年5月16日 星期六

召喚王023 - 召喚師數據分析(廿一)次序值比較

15-5-2020

每隻對戰BOARDGAME其實係分先後次序時都有難度,因為先攻有一定既優勢,所以先攻者通常會有限制,例如遊戲王先攻冇得抽卡,圍棋就要讓六目半。而且多數都冇明確決定先後既指標,因此召喚王有次序值呢樣野其實係對戰時都會構成戰略上既考慮。

次序值越高,越能先攻,直覺上通常越高LV,次序值就越高。因為係用黎決定次序,所以唔會有?次序值

因為我將次序值分成十一個組別,平均以每十點為一個組別,最後組別係「OVER100」,,因為個範圍分佈太大。由上圖可睇到0-10最多,有一百六十人佔差不多兩成。最少係81-90只有十九個。

資料來源:https://www.mozthegathering.com/

2020年5月15日 星期五

唔係你既野又要做004 - 睇下乾衣機

15-5-2020

話說公司部乾衣機突然震下震下,隆隆聲之後就唔敢用,一睇之下乾衣機有一個大衣槽,槽既後端連住一個大摩打,前面近機門有兩個轆,轆最主要係用黎承托個衣槽,同時又順住摩打可以轉。同事一見就發現兩個轆都已經磨蝕晒,唔怪得會咁。


換呢兩個轆價錢不菲呀,首先要檢查費八百幾蚊,呢兩個轆又三、四百一個,再加維修費又五、六百蚊,但其實要換個轆只係托起衣槽,扭走粒螺絲,換左個新轆,再扭番粒螺絲,搞掂!即係唔係話專業唔值錢,但有時呢D扭上扭下既功夫要收成千幾蚊似乎有D過份蝸。

2020年5月13日 星期三

寵物小精靈003 - 係有啲唔同~美夢成真

12-5-2020

為左爆番齊啲pkmon,我又去爆多set卡,今次係美夢成真組合篇。


比起上兩set我爆既係貴少少,開既時候就知點解啦,因為呢set每包多一張卡,成盒共210張。每包都依舊包含一張能量卡,宜家我爆左六盒,能量卡既數量已經等於一盒卡,唔怪之得卡舖門口一蚊張咁賣。中文版代理商會唔會考慮下唔好再一包一張能量卡,成件事好唔環保,sad。